السلام عليكم ورحمة الله وبركاته
زمايلي الاعزاء يارب تكونوا بخير جميعا
حاولت اعمل حاجه انا اول واحده كنت محتجاها جدا جدا بس ملقتهاش وقتها للأسف فقررت اعملها بعد ما اخلص امتحاني عسى ان ربنا ينفع بيها وتفيد زمايلي ، نظرا لضيق الوقت الشديد والمعلومات الدسمة والكم الكبير اللي المفروض يتراجع كويس جدا قبل الامتحان اللي بالمناسبه مش سهل خالص وامتحان عايز تحضير محترم بمعنى الكلمه
طبعا انا حاولت اجتهد فيه مش اكتر واكيد يعتريه النقص او بعض الملاحظات فمش هوصيكم لا تبخلوا علي وعلى الجميع بتوضيحها وتصحيهها لما تلاقوها
نصايحي لزمايلي اللي هيمتحونوا بعدي
زي ما قولتلكم الامتحان مش سهل خالص او نقدر نقول صعب بس مش مستحيل محتاج تحضير كويس جدا ومجهود عليه القيمه ومظنش ان دا حاجه وحشه بالعكس ده بإذن ربنا بيبني منك دكتور شاطر ولو هو ده الهدف من اساتذتنا في وضع امتحان صعب كده فيبقى جزاهم الله عنا وعن المرضى خير الجزاء
مينفعش تدخل الامتحان من غير محاضرات الزماله قولا واحدا
كويس Spotting محتاج تحل كتب
عندك كتاب موك لازم تحله وانصحك تذاكر الاجابات اللي ورا كل شابتر بيبقى فيها كم معلومات رائع
انا من نظرتي المتواضعه شايفه ان كتاب موك متوسط الصعوبه بين كتاب بورج اللي اقل شويه في الصعوبه وكتاب عثمان اللي اعلاهم صعوبه وياحبذا لو حلتهم كلهم
انا شايفه انك تبدا تحل ع طول مع سماع محاضرات الزماله ولما تبدا تتمكن شويه ممكن تسمع كورس دكتورنا الرائع دكتور اسماعيل في الاناتومي الكورس ده جبار حرفيا بس صعب اوي ع حد لسه بيقول بسم الله حاول تقوي نفسك شويه وبعدين اسمعه يإما هتضطر تسمعه مرتين تلاته يدوب بس اعتقد ده محتاج وقت كبير وانت محتاج تنظم وقتك كويس وكلنا عندنا التزامتنا فلازم نمشيها صح عشان منلاقيش نفسنا قدام الامتحان واحنا لسه مذكرناش محاضرات الزماله او لسه مفهمناش فيزيا ..الخ
الفيزيا محتاجه تتفهم ويتحل عليها كويس
وللاسف النيوكلير والراديوبيولوجي نفس الحكايه وان كنا عملنا كده ولا اخفيكم معرفناش نحل برده والامتحان فيهم كان محبط حد السماء
🙊
بس ان شاء الله بوعد من دكتوره عايده الدنيا هتبقى احسن فيهم وهيعيدوا النظر بشأنهم فانتوا اهتموا جدا للي هيتعطي واحضروا وبينوا التزامكم
اما بالنسبه للفزيا فمكنتش سهله بس يعتبر كانت احسن ورقه ،اهتموا جدا بمحاضرات الزماله ولو دكتور محمد ايهاب هو اللي هيدي الكورس فده شئ جميل جدا ، دكتور محمد شرحه رائع وهو على المستوى الشخصي دكتور محترم وذوق جدا ربنا يباركله
السبوتينج برده مكنش وحش اوي بس محتاج تحضير كويس وده صميم تخصصك فحاجه كويسه جدا انك تكون قوي فيه
وخلوا بالكم من ال
Variant
هتلاقوا منها كتير في الكتب وفي محاضرات الزماله وانتو بتسمعوها
ورقة الاناتومي مكنتش سهله خالص بس هتقدر تجاوب فيها كويس بمحاضرات الزماله ،حل الام سي كيو مهم وياحبذا لو تحلوا جروب كبير مع بعضكم زي ما احنا عملنا وتسألوا الدكاتره في المعلومات مش في الاسئلة نفسها خليكم اذكيا مش محتاجه اوضح اكتر من كده
😁
ورقة الريتن كانت صادمه بالنسبالنا الحقيقه وعايزه حد مركز ومذاكر كل حاجه وهي للاسف من الورق المهم جدا اللي بنعول عليه في تجميع درجات النجاح فربنا معاكم ومعانا الحقيقه
دكتوره عايده متعاونه جدا معانا ولو قسيت علينا شويه فبتكون قسوة عشانا وعشان مصلحتنا ومصالح العيانين اللي ف ايدينا بعد ربنا بتهتم جدا بكل كلمه بنقولها بس بردو لما يكون الكلام منطقي ولما نكون عاملين اللي علينا
دكتور هشام ربنا يباركله يارب كان واقف معانا ف ورقه النيوكلير الفظيعه وانا شخصيا وصلني منه وقتها انه واخد باله من المشاكل اللي كنا فيها
ربنا يوفقنا جميعا واللي عنده استفسار يسأل وكلنا نساعد بعض
وان شاء الله هنستكمل من المدونة ديه تفريغات للسكند ربنا يوفقنا جميعا
Post a Comment